A portavoz de Política Social do Grupo Socialista, Noela Blanco, criticou hoxe o veto do PP a unha proposición non de Lei para ampliar o cadro de traballadoras sociais do SERGAS. A parlamentaria socialista acusou a Feijóo de estar a “dereita, da dereita, dos gobernos de dereita” en materia de políticas sociais, e criticou os “venres negros” do presidente da Xunta en contraposición cos “venres sociais” de Pedro Sánchez.
Blanco defendeu o traballo das traballadoras sociais, reivindicando o seu “papel fundamental dende os inicios do sistema sanitario e a súa función como nexo de unión entre o sistema sanitario e o sistema de servizos sociais”. Reclamoulle á Xunta que o cadro total de traballadoras no Sergas sexa de 77, o que equivale a 1 traballadora social por cada case 40.000 habitantes.
Este déficit de traballadoras sociais, recalcou Blanco, “impide tarefas como a planificación de intervención, estudos dos factores de risco e protección da saúde das persoas e familias e a non avaliación de programas integrais de intervención en saúde comunitaria”. Debido a isto, sinalou a portavoz socialista, estas traballadoras “deben compartir moitas veces as súas funcións coas dos servizos sanitarios”.
Sinalou que a crise económica aumentou as funcións das traballadoras sociais pola multiplicación das situacións de pobreza, converténdoas nunha peza “imprescindible a hora de detectar problemas socioeconómicos que poidan derivar na non realización de tratamentos médicos debido á falta de recursos económicos”. Son moitos os casos, lembrou, nos que “as persoas deciden abandonar os tratamentos médicos por falta de cartos para poder pagar a luz”.
A deputada socialista sinalou “as importantes e imprescindibles funcións das facultativas na mellora do benestar de vida das persoas, en colaboración cos servizos sociais de zona, no asesoramento aos cidadáns sobre as distintas axudas e recursos que poden solicitar, a petición da situación legal de dependencia, a incapacidade laboral e, cada vez máis, na detección e tratamento de casos de mulleres que están a sufrir violencia machista”.
A Parlamentaria Socialista amosou o seu apoio ás propostas do Colexio de Traballadoras Sociais de Galicia e ao Colexio de Médico de Galicia para a mellora da saúde e a integración dos servizos sociais nos Centros de Saúde. Sinalou a importancia para unha Comunidade Autónoma como Galicia, onde 1 de cada 4 persoas teñen máis de 65 anos, 125.000 dos e das cales viven soas, unha “soidade non desexada que lles produce un gran sufrimento”.
Sinalou que estas persoas tenden a acudir con máis frecuencia aos centros de saúde e os especialistas sanitarios realizan a función de traballadoras sociais, polo que lle esixiu á Xunta “o aumento paulatino de traballadoras sociais no SERGAS durante a vixente lexislatura xunto coa defensa da atención social e a mellora da calidade de vida dos cidadáns”.
A portavoz de Política Social do Grupo Socialista, Noela Blanco, criticou hoxe o veto do PP a unha proposición non de Lei para ampliar o cadro de traballadoras sociais do SERGAS. A parlamentaria socialista acusou a Feijóo de estar a “dereita, da dereita, dos gobernos de dereita” en materia de políticas sociais, e criticou os “venres negros” do presidente da Xunta en contraposición cos “venres sociais” de Pedro Sánchez.
Blanco defendeu o traballo das traballadoras sociais, reivindicando o seu “papel fundamental dende os inicios do sistema sanitario e a súa función como nexo de unión entre o sistema sanitario e o sistema de servizos sociais”. Reclamoulle á Xunta que o cadro total de traballadoras no Sergas sexa de 77, o que equivale a 1 traballadora social por cada case 40.000 habitantes.
Este déficit de traballadoras sociais, recalcou Blanco, “impide tarefas como a planificación de intervención, estudos dos factores de risco e protección da saúde das persoas e familias e a non avaliación de programas integrais de intervención en saúde comunitaria”. Debido a isto, sinalou a portavoz socialista, estas traballadoras “deben compartir moitas veces as súas funcións coas dos servizos sanitarios”.
Sinalou que a crise económica aumentou as funcións das traballadoras sociais pola multiplicación das situacións de pobreza, converténdoas nunha peza “imprescindible a hora de detectar problemas socioeconómicos que poidan derivar na non realización de tratamentos médicos debido á falta de recursos económicos”. Son moitos os casos, lembrou, nos que “as persoas deciden abandonar os tratamentos médicos por falta de cartos para poder pagar a luz”.
A deputada socialista sinalou “as importantes e imprescindibles funcións das facultativas na mellora do benestar de vida das persoas, en colaboración cos servizos sociais de zona, no asesoramento aos cidadáns sobre as distintas axudas e recursos que poden solicitar, a petición da situación legal de dependencia, a incapacidade laboral e, cada vez máis, na detección e tratamento de casos de mulleres que están a sufrir violencia machista”.
A Parlamentaria Socialista amosou o seu apoio ás propostas do Colexio de Traballadoras Sociais de Galicia e ao Colexio de Médico de Galicia para a mellora da saúde e a integración dos servizos sociais nos Centros de Saúde. Sinalou a importancia para unha Comunidade Autónoma como Galicia, onde 1 de cada 4 persoas teñen máis de 65 anos, 125.000 dos e das cales viven soas, unha “soidade non desexada que lles produce un gran sufrimento”.
Sinalou que estas persoas tenden a acudir con máis frecuencia aos centros de saúde e os especialistas sanitarios realizan a función de traballadoras sociais, polo que lle esixiu á Xunta “o aumento paulatino de traballadoras sociais no SERGAS durante a vixente lexislatura xunto coa defensa da atención social e a mellora da calidade de vida dos cidadáns”.
